دا رجيم على الهرم الغذائى يعنى بيشمل كافه العناصر ان شاء الله
بجد انو يفيدكم ونبتدى فيه بنات او ستات لحد 90
الى اتخن من كدا يزود فى الكميه حاجه بسيطه
ابتدى بقى معاكوا اقولكم انو دكتور بيجى على قناه الحياه وحقيقى
ناس كتير بتشكره وانا خسيت شويه لكن بصراحه مش بلتزم لكن
هوه رجيم حلو مش حرمان
نبتدى وان شاء الله يفيدكم
الاسبوع الاول:
قبل الفطار ودا عاده فى كل الاسابيع هنشرب كوبيتين ميه قبل الاكل وناخد معلقه عسل نحل ودا لحرق السكريات والدهون ودا التزام فى كل الاسابيع
الفطار:
كوب شاى او نسكافيه بلبن خالى الدسم +ملعقه مربى دايت +قطعه جبنه بيضا او بيضه مسلوقه + 2 توست سن
الغذاء:
اليوم الاول: 1/4 فرخه مشويه+خضروات +4 ملاعق رز+سلطه
اليوم الثانى:شريحه لحم مشوى+خضروات+4ملاعق رز+سلطه
اليوم الثالث:علبه تونه+سلطه +رغيف سن
اليوم الرابع:1/2 كيلو سمك مشوى+4 ملاعق رز+سلطه
اليوم الخامس:1/4فرخه مشويه+1/4 كيلو بطاطس مسلوقه وممكن تحطى الاتنين سوا فى الفرن+سلطه
اليوم السادس:علبه تونه+2 توست سن+سلطه
اليوم السابع:8 ملاعق فول بزيت الزيتون+سلطه +رغيف سن
العشاء:
علبه زبادى + 2 ثمره فاكهه